Das Leben ist wie eine Achterbahnfahrt – manchmal bist du ganz oben und fühlst dich groß und unverwundbar. Aber bald dreht sich alles ins Gegenteil und du bist ganz klein mit Hut. Was nützt es, sich zu verkriechen oder zu verzagen. Jeder Rückschlag macht dich nur stärker und gibt dir neue Kraft. Du hast es selbst in der Hand, den besten Weg für dich zu finden, denn Die Welt hätt op dich jewaad.
Die Welt hätt op dich jewaad
Et is nit alles Jold wat jlänzt
un manche Drom blievt e Hirnjespens
Du denks et löuft, un plötzlich fälls du hin
un du frochst dich, wo is heä dä Sinn
Pass jot op bevor du dich verrenns‘
Du jlöufst nur dat, wat du schon kenns‘
Die Welt hätt op dich jewaad
Jangk drop aan, et weed nit lang jeschwaad
Mit Mot un Hätz zeijchst du allen wat du kanns
Du muss et nur mache
häs et selvs in d‘r Hand
Du föhls dich wie e Päd im Jespann
Du löfst en löfst, einer treckt die Zöjel an
Dousend Jedanke driehne sich im Kries
Häs nix jewunne, zahls immer nur dä Pries
Pass jot op bevor du dich verrenns‘
Du jlöufst nur dat, wat du schon kenns‘
Die Welt hätt op dich jewaad …
Du jlöufst für jeder and‘re is et leicht
un denks, dat et Jlöck für dich nit reicht
Du waats op dä richtije Moment
un wenn e do is, häs du‘n jlatt verpennt
Pass jot op bevor du dich verrenns‘
Du jlöufst nur dat, wat du schon kenns‘
Die Welt hätt op dich jewaad …
Du hoffs op en Zauberfee
Nur drei Wünsche dann wör alles ok
Nur Liebe un Jlöck un e bessje Jeld
Do wörs du schon zufriede jestellt
Die Welt hätt op dich jewaad …